Афтæмæй æххæстгонд цæуы Æппæтуæрæсеон акци «Скъоламæ фæндаг»
Æдас фæндаггон змæлд. Æппæтуæрæсеон адæмон фронты цæгатирыстойнаг хайады активисттæ мониторинг скодтой скъолаты раз территориты. Афтæмæй æххæстгонд цæуы Æппæтуæрæсеон акци «Скъоламæ фæндаг». Æхсæнадон кусджытæ фæнд кæнынц республикæйы 11 скъолайы бабæрæг кæнын. Уыдонæй 9 сты Дзæуджыхъæуы. Ахуыргæнæндæттæ хуымæтæджы нæ равзæрстой. Алкæцыйы раз дæр афæдз æмæ рдæгмæ æрцыд фæндаггон фыдбылыз. Бæлвырддæр та-иу машинæ скъуырдта сывæллоны. Бæрæггæнæн куыст райдыдтой Дзæуджыхъæуы 38-æм, 11-æм æмæ 18-æм скъолаты цурæй. Цалдæр категоримæ гæсгæ сбæрæг кодтой машинæтæн цæуæн фæндаг. Ома хæххытæ дзы ис, æви нæ, светофорты уавæр, фæндаггон нысантæ æмæ къуыбыртæ. Ахæм куыст кæндзысты ног ахуыры азы райдианы онг. Мониторинджы хатдзæгты тыххæй информаци бадæтдзысты фæндæгтыл æдасæй цæуыны паддзахадон автоинспекцимæ, муниципалитетты бынæттон администраицтæм æмæ ахуырады министрадмæ. Скъолатæн сæхи хсæн та радзырдтой, ахуырдзаутимæ рæстæгæй-рæстæгм кæй саразынц æнæкъласон уроктæ, æмæ сæ кæй фæахуыр кæнынц фæндаггон фæткы домæнтыл. Уыимæ зæгъын хъæуы уый дæр, æмæ бирæ аразгæ у машинæты хицæуттæн сæхицæй.
