Йæ дæргъ у 4 км æмæ рдæг
Фарон, национ проект «Æдас æмæ хæрзхъæд автомобилон фæндæгтæ» æххæстгæнгæйæ, Дигорайы райдыдтой хъæуы иувæрсты цæуæг фæндаджы цалцæггæнæн куыстытæ. Йæ дæргъ у 4 км æмæ рдæг. Цалцæгмæ бахауд 44 метры дæргъæн зæронд хид дæр. Бындурон куыстыты рæстæг фæндаггон куысджытæ акалдтой былгæрæттыл сагъд бæлæстæ. Спълан кодтой фæндаг иувæрсмæ кæм дихгонд цæуы, уый. Сфидар кодтой зæронд фæндагæн йæ бындурон хай æмæ йыл сæвæрдтой асфальты дыууæ цъары. Фæндаджы былгæрæттæ æрцыдысты фидаргонд æмæ дзы сæвæрдтой дондзæуæн хæтæлтæ æмæ фæндаггон нысантæ. Бындуронæй цалцæггонд æрцыд Урсдоны сæрты хид. Фидаргонд æрцыдысты конструкцийы æфсæн æмæ бетон хæйттæ. Иувæрсты цæуæг фæндаг фадат дæтты Дигорайы сæйраг уынгыл машинæты змæлд фæкъаддæр кæнынæн. Ног фæндаг дзуапп дæтты адæсдзинады домæнтæн, ахъаз у фæндаггон фыдбылызтæ фæкъаддæр кæнынæн, стæй уæзласæнтæ иувæрсты куы цæуой, уæд районы центры уæлдæф сыгъдæгдæр уыдзæн. Бындурон цалцæджы фæрцы Дигорайы иувæрсты цæуæг фæндагæн радтой 3-аг къæпхæн. Ауылты суткæмæ ацæуыны фадат ис 2мин 500 машинæйæн.
