Куыстытæ æххæст кæнынц сæрмагонд программæ «Устойчивой развитие сельских территорий»-мæ гæсгæ
Нæ республикæйы хъæуты цæуы дондзæуæн хызты рацарæзт. Куыстытæ æххæст кæнынц сæрмагонд программæ «Устойчивой развитие сельских территорий»-мæ гæсгæ. Афтæмæй донæй æфсадыны фарста 2021-æм азы лыггонд æрцæудзæн Джызæлы, Дæллаг æмæ Уæллаг Санибайы, Хъæдгæроны æмæ Ногиры. Объектты цалцæггæнæн куыстытæ куыд цæуынц, уый федтой Паддзахадон думæйы депутат Таймазты Артур стæй хъæууон хæдзарады æмæ хойраджы министр Уазиты Хъазыбег.
Хъæдгæроны райдыдтой дондзæуæн хызты рацарæзты куыстытæ кæнын. Ам æнæрлæугæйæ кусынц 1957-æм азæй фæстæмæ. Уæдæй нырмæ дзы егъау цалцæггæнæн куыстытæ нæ цыдысты. Паддзахадон думæйы депутат Таймазты Артур, стæй хъæууон хæдзарады æмæ хойраджы министр Уазиты Хъазыбег федтой объектты рацарæзты куыстытæ куыд цæуынц, уый.
Джызæлы дæр цæуы егъау рацарæзт. Нысан кæнынц 43 километры дондзæуæн хызтæ баивын. Куыстыты иу хай фæци. Хæтæлтæ тынг зæронд кæй сты, уымæ гæсгæ-иу арæх расайдтой аварион уавæртæм. Рацарæзт райдайын бантыст нысанмæ арæзт программæ « устойчивое развитие сельских поселений» æххæст кæнгæйæ. Ацы азы кæронмæ ма куыстытæ цæудзысты Цæгат Ирыстоны 5 хъæуы. Уыдон сты Хъæдгæрон, Уæллаг æмæ Дæллаг Саниба, Ногир æмæ Джызæл.
Æдæппæтæй ацы нысантæн рахих кодтой 427 милуан сомы. Рацарæзты куыстытæ хъуамæ фæуой сентябры.
