Сæрмагондæй арæзт æрцыд, царды зын уавæрты чи бахауди, ахæм бинонты сывæллæттæн
Цæгат Ирыстоны мидхъуыддæгты министрады хъæппæрисæй та арæзт æрцыд хæрзаудæн акци «Баххуыс кæн ахуыр кæнынмæ бацæуын». Сæрмагондæй арæзт æрцыд, царды зын уавæрты чи бахауди, ахæм бинонты сывæллæттæн. Ацы аз акци фыццаг хатт арæзт æрцыд ноггонд мемораилон-историон крмплекс «Барбашовы фæзы». Ахуыры азы райдианы агъоммæ лæппутæн æмæ чызджытæн раарфæ кодта мидхъуыддæгт министр Михаил Скоков. Акцийы кадджын уазджытæ уыдысты службæйы ветерантæ, ахуырады æмæ наукæйы министрады минæвæрттæ, зындгонд тренер боксæй Сланты Виталий æмæ дунейы раздæры чемпион, профессионалон боксер Гасситы Мурат. Мидхъуыддæгты министрад скъоладзаутæн бацæттæ кодта æцæг бæрæгбон хъæздыг программæимæ. Ракодтой сын зæрдылдарæн лæвæрттæ æмæ æнæнхъæлæджы æхсызгон хъуыддæгтимæ. Фæсивæдæн æмæ сæ ныййарджытæн зæрдиаг арфæтæ ракодта министр Михаил Скоков.
