Специалисттæ ивынц хъармгæнæнтæ, хæтæлтæ, цалцæг кæнынц теплотрассæтæ
Цæгат Ирыстоны сæ тæмæны сты хъармгæнæн сезонмæ цæттæгæнæн куыстытæ. Специалисттæ ивынц хъармгæнæнтæ, хæтæлтæ, цалцæг кæнынц теплотрассæтæ. Куыстытæ иууылдæр цæуынц сæрмагонд фæткмæ гæсгæ. Цæрæнуæтты-коммналон хæдзарады министр Таматы Майрæны ныхæстæм гæсгæ, республикæ фæззыгон-зымæгон сезонмæ цæттæ у 90%. Цæгат Ирыстоны хæдзæрттæм хъарм чи дæтты, уыцы организацитæ 15-æм сентябрьмæ хъуамæ бадæттой хъармгæнæн сезонмæ цæттæ кæй сты, уый тыххæй æвдисæндартæ. Фæлæ ис ахæм объекттæ, сæ документацийы фиппаинæгтæ кæмæн ис. Æмбырды сын бахæс кодтой, цыбыр рæстæгмæ лыггæнинаг фарстатыл бакусын.Бакуыстой фæндаггон картæйыл дæр. Сæ пъланы ис 193 хъармгæнæны, 1500 км дондзæуæн хызтæ, электронтæ – 128 км, 2500 бирæфатерон хæдзæрттæ æмæ социалон нысаниуæг кæмæн ис, ахæм объекттæ. Æппæт фарстатæ алыг кæнын хъæуы бæлвырд æмгъуыдмæ, уыимæ æнæаиппæй.
