Баст сты муниципалон æмæ районты администрацитимæ, æвзарæн закъонадимæ, экологиимæ, экономикæ æмæ социалон, стæй медицинон къабæзтимæ
Хъалонтæ, амалхъомдзинад, фæндæггон змæлды æдасдзинад æмæ коррупцийы ныхмæ тох. Ацы æмæ æндæр фарстатыл ныхас цыди Парламенты радон æмбырды. Депутаттæ æркастысты 45 закъондæттæг хъæппæрисмæ. Баст сты муниципалон æмæ районты администрацитимæ, æвзарæн закъонадимæ, экологиимæ, экономикæ æмæ социалон, стæй медицинон къабæзтимæ. Дыккаг бакасты сфидар кодтой республикæйы дзæбæхгæнæн-профилактикон рынчындæттæ хæринагæй цæмæй иу паддзахадон куыстуат ифтонг кæна, ахæм закъоны проект. Парламенты комитеты сæрдар Реуазты Ларисæйы ныхæстæм гæсгæ, уый фадат ратдзæни бюджеты фæрæзтæ фæстауæрц кæнынæн, стæй рынчындæтты хæринаджы хъуыддаг дæр уыдзæни хæрзхъæддæр.
Депутаттæ ма ивддзинæдтæ бахастой 2020-æм, 21-æм æмæ 22-æм азты республикон бюджетмæ. Баст сты социалон объектты арæзтадимæ, хъæууон хæдзарады къабазæн субсидитæ дæттынимæ, стæй коронавирусимæ чи тох кодта, уыцы медицинон куыстуæттæн фæрæзтæ дих кæнынимæ. Уымæй уæлдай, депутаттæ сфидар кодтой цæрæгойтимæм цæстдарды закъоны проект. Баст у цæрæгойтæм зилыны, дзæбæх кæныны, æмæ республикæйы ацы фарстайæн æмбæлгæ инфраструктурæ саразынимæ.
