филиал вгтрк государственная телерадиовещательная компания “Алания”

Дзæуджыхъæуккаг æмæ Алайнаг архиепископ Леониды арфæйæ Мæздæджы районы райдыдта Дзуæрттимæ цыд Мæздæджы Мады майрæмы уазнывимæ. Мадзал ахæсдзæнис цалдæр боны. Кадджын цыды архайынц хъазахъхъаг æхсæнады минæвæрттæ æмæ Хæлардзинады Хæдзары активисттæ. Се вæрæн æм бахастой æфсæддон службæйы ветерантæ æмæ алы нациты минæвæрттæ. Дзуæрттимæ цыд, уазнывтæ æмæ дзæнгæрджыты цагъдимæ сарæзтой Мæздæджы сæйраг уынгты. Бакувынмæ рацыдысты станицæты цæрджытæ æмæ хъазахъхъæгтæ. Ацы бонты Мæздæджы Мады майрæмы ныв æрзилдзæн Архонкæйы, Змейкæйы, Николаевскийы æмæ Дзæуджыхъæуы аргъуантыл.