Бабарæг кодтой Хойраджы дзæуджыхъæуыккаг комбинат
Рейд сарæзтой æппæтуæрæсейон адæмон фронты æмæ Уæрæсейы фæлхасадмæ цæстдарды управленийы минæвæрттæ. Бабарæг кодтой Хойраджы дзæуджыхъæуыккаг комбинат. Ныронг ацы куыстуат цæттæ кодта 4 мин сывæллонæн. Ныр та сæ размæ æвæрд ис хæс тæвд хæринагæй ноджыдæр ма 16 мин сывæллоны бафсадын. Уыдон сты райдиан кълæсты ахуырдзаутæ.
Дзæуджыхъæуы хойраджы комбинаты бæрны ис 42 ахуыргæнæндоны. Райдиан кълæсты ахуырдзаутæн тæвд хæринаг цæттæ кæнын закъон кустуатæн у ноджыдæр ма иу уæлæмхæасæн уаргъ. Кæд раздæр комбинат æфсæста 4 мин сывæллоны, уæд нырта æрмæст райдиан кълæсты ахуырдзаутæ сты 16 мины.
Комбинаты куыст куыд цæуы, уый сбæрæг кодтой æппæтуæрæсейон адæмон фронты регионалон хайады уæнгтæ. Ныййарджытæй цы фиппайнæгтæ райстой, уыдоныл æрдзырдтой комбинаты директоримæ. Хъаст кæнынц хæринаг фаг тæвд кæй нæ вæййы. Комбинаты æмбарын кæнынц, цалынмæ бирæ сывæллæтты спадын кæной, уæдмæ хойраг тæбæхты ныууазал вæййы.
Æппæтуæрæсейон адæмон фронты уæнгтимæ комбинаты куысты хæрзхъæддзинад бæрæг кодтой Уæрæсейы фæлхасадмæ цæстдарды минæвæрттæ. Уыдон ницы аипдзинад раиртæстой, фæлæ сæ куыстмæ цæстдарын у тынг ахсджиаг фарста.
Комбинаты лыггæнинаг фарстатæй иу у кусджытæ кæй нæ фаг кæны. Æмтгæй та æппæт фарстаты фæдыл æппæтуæрæсейон адæмон фронты уæнгтæ æрдзурдзысты сæ радон æмбырды
