Ныр дзы разамынд дæтдзæн Дмитрий Ефимов
Архонкæйы станицæйы сæвзæрстой ног сæргълæууæг. Ныр дзы разамынд дæтдзæн Дмитрий Ефимов. Станицæйы цæрджытæм бирæ лыггæнинаг фарстаæ ис. Иннæ хъæуты къуылымпыдзинæдтæй зæгъæн ис, æмæ ницæмæй хицæн кæнынц. Æвзæрстыты размæ активисттæ æркæсинаг фарстатыл дзырдтой цæрджытимæ. Ныр хъæуы рæстæг, цæмæй царды æххæстгонд æрцæуой, уымæн.
Архонкæйы 2-æм скъолайæн бындур æвæрд æрцыди 1972-æм азы. Уæдæй нырмæ цалцæггонд нæ уыди. Быру мæнæ-мæнæ акæла. Ахуыргæнджытæ йын архайынц, йæ уавæр банывыл кæныныл. Скъолайы директор куыд зæгъы, афтæмæй цæмæй ног быру æвæрд æрцæуа, уый тыххæй гыццыл фæрæзтæ нæ бахъæудзæн. Баххуыс кæнынæй сын зæрдæ вæры станицæйы ногæвзæрст сæргълæууæг Дмитрий Ефимов.
Ам къуылымпыдзинæдтæ æййафынц электрон тых æмæ дондзæуæн системæ. Нæй дзы бырæтты контейнертæ дæр. Ацы фарстатæ сты сæйрагдæртæ, станицæйы цæрджыты чи тыхсын кæны.
Не сфæлдыстадон къорды цæст Архонкæйы кæрон æрхæцыди спортивон фæзыл дæр. Объект иууылдæр у ифтонггонд. Станицæйы Сæргълæууæг куыд зæгъы, афтæмæй дæрддзæф ран кæй ис, уый тыххæй йæ бирæтæ нæ зонынц хъæуы спортивон фæз кæй ис, уый.
Æвзæрстыты агъоммæДмитрий Ефимов йæхæдæгдæр аныхас кодта цæрджтимæ. Сбæрæг кодта, адæмы фылдæр цы фарстатæ тыхсын кæны, уый. Сæ сæйрагдæрты хсæн уынгты рухс, æмæ бырæттæ ласыны хъуыддаг.
Архонкæйы ис спортивон комплекс дæр. Ам архайынц волейболæй æмæ дзюдойæ. Сæргълæууæг куыд зæгъы, афтæмæй хъуыдыты ис ног комплекс саразын. Уымæн æмæ ныртæккæйы комплекс се ппæт фæсивæдыл не ххæсы. Станицæйы райрæзтæн ам ис бирæ фæндтæ. Гæнæн æмæ амалæй сæ хъæуы сæххæст кæнын, зæгъы Дмитрий Ефимов.
