«Баспик»-ы командæ æмæ бахъахъхъæдтой сæ фароны уæлахизы кад
Фæразондæр æмæ тыхджын. Цъæйы арæзт уыдысты туристон Кубок рамбулыны ерыстæ. Командæты хсæн тыхджындæрыл нымад уыдысты завод «ПОБЕДИТ»-ы æмæ технологон центр «Баспик»-ы кусджытæ. Цавæр къæпхæнты сæрты сæ хъуыд ахизын.
Завод «Победит»-ы командæ уый размæ азты рамбылдта туризмы 3 Кубоккы. Уый размæ хъазты технологон центр «Баспик»-æн кæй фæхæрд сты, уымæ гæсгæ сæ хъуыд ацы хатт сæ тых æмæ хъару бангом кæнын, уæвгæ иннæ командæтæ дæр сæ зæрдæ æрмæстдæр уæлахизыл дардтой æмæ цæттæ уыдысты тохмæ. Фыццаг къæпхæны фарстатæ баст уыдысты географиимæ.
Ацы аз туризмы Кубок рамбулыны ерыстæ снывонд кодтой географион наукæты доктор Беройты Барисы рухс ном ссарынæн. Ерысты тырысса систа йæ хъæбулы хъæбул Цгъойты Сослан.
Уыцы иу рæстæг уыд национ ахастдзинæдты фарстаты фæдыл минстрады Кубок рамбулыны 2-аг турнир. Архайдтой дзы национ -культурон æхсæнæдты командæтæ.
Иннæ къæпхæн «Хохаг хæринаггæнæг». Хъуамæ сахаты æмбисмæ цы ххæринаг скæной, уый 5 бонмæ ма фесæфа. Национ-культурон æхсæнæдтæ та хъуамæ æнæмæнг сцæттæ кæной национ хæринаг. Æппæты хæрзаддæр конкурс æрæмбырд кодта бирæ адæм. Ам ацаходын уыд тæтæйраг пермячитæ æмæ ирон кæрдзынтæ дæр.
Фæстæдæр конкурсы архайджытæ равдыстой се сфæлдыстадон арæхстдзинад. Азæлыдысты куыд адæмон, афтæ фæндаггон зарджытæ. Æххуыс сын кодтой сæ фарсхæцджытæ.
Дыккаг бон дæр разынд цымыдис. Туризмы техникон фæзилæнтæй пайда кæнгæйæ ерысгæнджыты хъуыд дугъы ауаин. Уырдæм хаудысты – æлхынцъбаст скæнын, хохы фахсыл æрцæуын, къодахыл доны иннæ фарсмæ къобахизын, фæстæмæ та ауындзгæ бæндæныл.
Ацы аз уаццаг разынд даргъдæр æмæ зындæр. Æмæ йыл æппæтæй æнтысджын дæр ацыд «Баспик»-ы командæ æмæ бахъахъхъæдтой сæ фароны уæлахизы кад.
Кубокмæ хæстæг лæууыд «Победит»-ы командæ дæр, фæлæ ацы хатт сты дыккæгтæ, 3-аг бынатмæ рацыд узбекистаны национ-культурон æхсæнад, уыдон ма национ æхсæнæдты командæтимæ ерысы рамбылдтой фыццаг бынат
