02 октября 2020, 14:56
Фæлхасадмæ цæстдарды Управленийы специалисттæ дарддæр бæрæг кæнынц базарадон центрты æдасдзинады домæнтæ куыд æххæст кæнынц, уый
Коронавирусæй рынчынты нымæц кæй нæ къаддæр кæны, уымæ гæсгæ ма республикæйы цæрджыты зæрдыл лæууын кæнынц, куыд ахсджиаг у профилактикон мадзæлттæ æххæст кæнын
Уæрæсейы фæлхасадмæ цæстдарды цæгатирыстойнаг Управленийы специалисттæ дарддæр аразынц рейдтæ, æмæ бæрæг кæнынц, базарадон центрты æдасдзинады домæнтæ куыд æххæст кæнынц, уый. Коронавирусæй рынчынты нымæц кæй нæ къаддæр кæны, уымæ гæсгæ ма республикæйы цæрджыты зæрдыл лæууын кæнынц, куыд ахсджиаг у профилактикон мадзæлттæ æххæст кæнын, æмæ инфекцийæ хи хъахъхъæнын. Зæгъын хъæуы уый, æмæ фæстаг рæстæг Цæгат Ирыстоны цæрджытæ маскæтæ нал фæдарынц. Уыимæ канд базарадон центрты нæ, фæлæ ма æхсæнадон транспорты дæр. Бирæ дуканиты та нæй дезинфекцион фæрæзтæ. Уый та халы ныртæккæйы фæтк.
