филиал вгтрк государственная телерадиовещательная компания “Алания”

Хъалонисæн политикæйы, базарады, металлургон промышленносты, транспорты, хъæууон хæдзарады къабазы æмæ æндæр ахсджиаг фарстатыл æрныхас кодтой Цæгат Ирыстоны Парламенты Советы æмбырды. Стыр æргом аздæхтой социалон къабазмæ. Бæлвырд æмæ бæстон æрдзырдтой федералон закъоны проектыл. Баст у – инвалид-сывæллæттæм чи кæсы, йæ сабибонтæй инвалид чи у, стæй фыццæгæм къорды инвалид чи у, уыдонæн æрвылмæйон фиддонтимæ. Ныридæгæн хъуыддаг у афтæ, æмæ уыцы пособитæ фидынц, цалынмæ инвалид адæм пенсийы нæ рацæуынц уæдмæ. Фæлæ сæм зилын æнцон хъуыддаг нæу, æмæ йæ æххæст кæнын фæхъæуы, уыцы кары фæстæ дæр. Афтæ нымайынц депутаттæ.  Уымæ гæсгæ инвалид адæммæ кæсын хъæуы æппынæдзухдæр.