Зондджын системæтæ кæй хонынц, уыдоны фæрцы къаддæр кæндзæни фæндаггон фыдбылызты нымæц
Республикæйы фæндæгтыл нырыккон нымæцон технологитæй пайда кæныны фарстайыл ныхас цыди Тускъаты Таймураз разамынд кæмæн лæвæрдта, уыцы æмбырды. Зондджын системæтæ кæй хонынц, уыдоны фæрцы къаддæр кæндзæни фæндаггон фыдбылызты нымæц. «ГЛОНАСС»-ы генералон директор радзырдта программон-аппаратон комплекс «Фæндаггон змæлды æдасдзинад»-ы компанийы ног æрхъуыдыдзинæдты тыххæй.
Йæ сæйраг хæс у, фæндаджы алы хайы æдасдзинады æмвæзад нымæцон кусæнгæрзтæй сбæрæг кæнын. Комплекс æдасдзинады æмвæзад бæрæг кæны 25 метрмæ æмæ дæтты хъæугæ амынддзинæдтæ. Ахадгæ у система «ЭРА-ГЛОНАСС» дæр. Фæндаггон фыдбылызы рæстæг автоматикон фæткæй фехъусын кæны фыдбылызы тыххæй. Тагъд æххуысы бригад фæзыны куыд гæнæн ис, афтæ тагъд.
Цæгат Ирыстонмæ цы специалисттæ ссыди, уыдон радзардтой, интеллектуалон системæты фæрцы транспортон фæрæзтæн, регионалон æмæ бынæттон бюджеттæй æхца цы куыстуæттæн дихгонд цæуы, уыдонæн мониторинг куыд кæнын хъæуы, уый тыххæй. Транспорт иууылдæр бахæсдзысты онлайн-фæткмæ. Тускъаты Таймураз куыд загъта, афтæмæй ацы ногдзинæдтæ нымайы хорзыл.
