Уый тыххæй ныхас цыд видеоконференцийы
Цæгат Ирыстон хаст æрцыд раззагдæр 3 регионы хыгъдмæ, арæзтады объекттæм гæсгæ. Уый тыххæй ныхас цыд видеоконференцийы. Арæзт æрцыд цæрæнуæтты къабазы Финансон институты хъæппæрисæй. Ныхас цыд цæрæнуæтты базарады рæзтыл. Стыр æргом ма аздæхтой Цæгат Кавказы федералон зылды регионты социалон программæтæ царды уадзынмæ. Ныртæккæ нæ республикæйы аразынц 3 мин фатерæй фылдæр. Иумæйаг нымадмæ гæсгæ, иууатон, дыууæуатон æмæ æртæуатон фатертæ национ республикæты сты стырдæр, Уæрæсейы иннæ регионтимæ абаргæйæ. Специалисттæ зæгъынц, æмтгæй райсгæйæ, Цæгат Кавказы федералон зылды арæзтад фæкъаддæр 14 проценты. Уыцы-иу рæстæг та рæзы ипотекæйы кредитты бæрц. Ипотекæйæн иумæйаг нымадæй йе 3 проценты хауынц Цæгат Кавказы регионтæм.
