. Кусынц проект «Математикон ахуырады рæзты» фæлгæты
Республикæйы дарддæр сабиты æмбырд кæнынц математикон къордтæм. Кусынц проект «Математикон ахуырады рæзты» фæлгæты. Архайынц дзы 3-æй 6-æм кълæсты онг скъоладзаутæ. Ахуыртæ фæцæуынц къуыри æртæ хатты, æмæ курдиатджын сывæллæттæн æххуыс кæнынц сæ уарзон предмет бындурондæрæй ахуыр кæнынæн. Бокоты Виктория радзурдзæн бæлвырддæр.
Фæндзæм къласы ахуырдзау Эмир Бугрин математикæйы урокты йæхи тынг арæхстджынæй февдисы. Йæ хæслæвæрдтæй уæлдай ма баххуыс кæны йе мкъæласонтæн дæр. Йæ бæллиц у – программист суæвын, уымæ гæсгæ йын канд математикæйы уроктæ фаг не сты. Фæфæнды ма йæ зындæр алгеброн хынцинæгтæ кæнын. Эмирæн математикон къорд у хорз фадат йæ зонындзинæдтæ парахат кæнынæн.
Эмиримæмæ ацы сæйраг къордмæ цæуы 35 сывæллоны. Къуыри æртæ хатты профессионалон квалификаци чи фæфылдæр кодта, ахæм ахуыргæнджытæ сын фæдæттынц арф зонындзинæдтæ уыцы предметæй.
Ацы математикон къордтæ сæ куыст æххæст кæнынц республикæйы проект «Развитие математического образования» -мæ гæсгæ. Фарон архайдтой 33 къорды. Ахуыр дзы кодтой 15 кæнæ 20 адæймаджы. Ацы аз нырма æмбырд кæнынц, уымæ гæсгæ алкæмæн дæр йæ бон у курдиат бадæттын.
Прогрæммæ бæрæггонд у афæдзмæ. Кæронмæ куы æрхæццæ уа, уæд курдиатджындæр ахуырдзаутæн уыдзæни фадат Республикæйы физикон-математиком лицей-интернаты ахуыр кæнынæн.
