Нырæй фæстæмæ Уæрæсейы æппæт регионты сæ бон уыдзæн фæндаггон фыдбылызы тыххæй электрон хъусынгæнинæгтæ парахат кæнын уæлæмхасæн фæрæз «Помощник ОСАГО»-йы фæрцы
Ацы мæйы райдианæй сæ тыхы бацыдысты цалдæр ногдзинады. Нырæй фæстæмæ Уæрæсейы æппæт регионты сæ бон уыдзæн фæндаггон фыдбылызы тыххæй электрон хъусынгæнинæгтæ парахат кæнын уæлæмхасæн фæрæз «Помощник ОСАГО»-йы фæрцы. Ома фæндæгтыл æдасæй цæуыны паддзахадон инспекцийы кусджытæм дзурын нал хъæудзæн. Электрон æиæ гæххæттын хъусынгæнинагæн сæ тых у иухуызон. Зæгъæм, фæндаггон фыдбылызы кæд дыууæ машинæйы баййæфтой хъыгдард, æмæ дзы зиан никæмæн æрхастой, уæд документ ис скæнæн. 1-æм ноябрæй фæстæмæ ма транспортæн нал дæтдзысты гæххæттын паспорттæ. Машинæйы тыххæй æппæт информаци хъахъхъæд цæудзæн электрон хуызы. Уыимæ гæххæттын паспорттæ дæр сæ тых нæ сафынц. Машинæты хицæуттæн сæхицæн уыдзæн сæ бон равзарын документы хуыз. 3 азæй – 7 азы онг сывæллæттæн цы фиддонтæ кæнынц, уыдоны тыххæй та нырæй фæстæмæ алиментты тыххæй бæрæггæнæнтæ дæттын нæ хъæуы. Паддзахадон оргæнтæ сæхæдæг исдзысты уыцы информаци, ведомстовты хсæн электрон æмархайды фæрцы.
