Пандемийæйы аххосæй егъау мадзал арæзт не рцыд, фæлæ Ирыстоны минæвæрттæ алы бæстæты æрбарвыстой сæ арфæйы видеормæджытæ
Ӕпæтуæрæсеон адæмон фронт, фæсивæдон æмæ хæдбар уæлæмхасæн центры минæвæрттæ сарæзтой иумæйаг акци «Мах стæм иумæ». Пандемийæйы аххосæй егъау мадзал арæзт не рцыд, фæлæ Ирыстоны минæвæрттæ алы бæстæты æрбарвыстой сæ арфæйы видеормæджытæ. Уыимæ Хæлардзинады хæдзары арæзт æрцыд онлайн-концерт. Алы архайæджы дæр æрбахуыдтой хицæн рæстæгмæ гæсгæ. Уый фæстæ æппæт æрмæджытæ хæлардзинады хæдзары директор Кочиты Георгий равæрдзæн ютуб-каналы.
Ацы бон ма арæзт æрцыд хæрзаудæн акци. Хойраджы хызынтæ баластой бирæсывæллонджын, æххуысхъуаг æмæ ацæргæ адæмæн. Сты алы нацитæй.
Уæвгæ та нæ республикæйы цæры 100 адæмы хаттæй фылдæр. Ис нæм 20 национ-культурон æхсæнады. Æмæ куыд хæлардзинады æвдисæн æппæт бæстæйы ацы бон алы æвзæгты азарыдысты æфсæддон зарæг «Катюша». Ирон æвзагмæ йæ стæлмац кодта поэт Баситы Зæлинæ, заргæ та йæ акодта Дзæхойты Зæлинæ.
