Медицинон куыстуæтты сæйраг дохтыртæ радзырдтой оперативон уавæры тыххæй, куыд ифтонг сты хи хъахъхъæнæн фæрæзтæй æмæ хостæй
Цæгат Ирыстоны территорийы коронавирусы инфекци парахат кæнын ма бауадзыныл ныхас цыд Оперативон штабы радон æмбырды. Амыдта йæ Битарты Вячеслав. Æмбырды уæвджытæ æрдзырдтой иумæйаг эпидемиологон уавæрыл. Медицинон куыстуæтты сæйраг дохтыртæ радзырдтой оперативон уавæры тыххæй, куыд ифтонг сты хи хъахъхъæнæн фæрæзтæй æмæ хостæй. Æнæниздзинадхъахъхъæнынады министр Годжысаты Тамерлан фехъусын кодта медицинон кусджыты кадрты резерв цæттæ кæныны тыххæй. Цух æййафынц анестезиологты æмæ реаниматологты специалисттæй. Уымæ гæсгæ республикæйы Сæргълæууæг профилон министрæн æмæ Цæгат Ирыстоны медицинон академийы разамындæн бабар кодта активон куыст бакæнын, ног медицинон специалисттæ бацæттæ кæныны хъуыддаджы. Битарты Вячеслав ма профилон министры зæрдыл æрлæууын кодта, куыд ахсджиаг у кусджытæн афоныл мызд фидын. Ацы фарстайы къуылымпытæ хъуамæ ма уа. Уымæн æмæ уый, фыццаджыдæр бæрæг дары куысты фæткыл æмæ лæггæдты хæрзхъæддзинадыл.
