Нысан кæнынц ноджыдæр 200 ног куысты бынаты байгом кæнын
Æфсæддонтæн сæрмагонд уæлæдарæс кæм хуыйынц, уыцы æппæтæй егъаудæр хуыйæн фабрикæтæй иу уæрæхдæр кæны йæ гæнæнтæ. Нысан кæнынц ноджыдæр 200 ног куысты бынаты байгом кæнын. Фидæны цехы бæстыхай федта Битарты Вячеслав. Уый Мызуры разамындæн бабар кодта инвестортæн хорз уавæртæ саразын. Мызуры ма фæзындзæн нырыккон библиотекæ методикон кабинетимæ. Бæстыхæйттæ, зæгъæн ис, æмæ эксплуатацимæ сты цæттæ. Республикæйы Сæргълæууæг бабар кодта библиотекæйы чингуыты Фонд фæхъæздыгдæр кæнын æмæ йæ æмбæлгæ кусæнгæрзтæй æмæ хъæддзаумайæ сифтонг кæнын. Битарты Вячеслав ма базонгæ культурæйы Хæдзары рацарæзтимæ. Уым арæзтадон куыстытæ кæронмæ фхæццæ кæнынц. Проекты аргъ у 7 милуан сомы, æмæ йæ царды уадзынц, национ проект «Культурæ» æххæст кæнгæйæ. Республикæйы разамонæг ма бафиппайдта, ахсджиаг кæй у рæзгæ фæлтæры сфæлдыстадон рæзтæн уавæртæ аразын. Уый тыххæй та хъæуы Мызуры сывæллæтты аивæдты скъолайы бындурон цалцæгæн проектон-сметон докмуентаци бацæттæ кæнын. Уымæй дарддæр Битарты Вячеслав бабар кодта Мызуры социалон-экономикон рæзтæн комплексон пълан бацæттæ кæнын. Ахæм пъланы фæрцы сбæрæг уыдзысты хъæуккаг территориты рæзты сæйрагдæр хъуыддæгтæ. Ныртæккæ уыцы хъуыддагмæ республикæйы разамынд стыр æргом здахы.
