филиал вгтрк государственная телерадиовещательная компания “Алания”

Хуссар Ирыстоны арæныл дарддæр цæуынц цалцæггæнæн куыстытæ. Ныртæккæ уал цæджындзтæ аразынц Транскамы зæйуромæн галереямæ. Æфсæйнаг конструкцийы дæргъ у 270 метры. Уымæй уæлдай галерея полиэтилены фæрцы бахъахъхъæндзысты донæй. Ацы азмæ цы куыстытæ нысангонд уыдысты, уыдон æххæстæй скодтой. Бындурон цалцæг сног кæндзысты иннæ аз апрелы. Уæд баивдзысты фæндаджы æмбæрзт, скæндзысты вентиляцийы системæ, зынгсирвæзт ма руадзыны фæрæз, стæй æхсæвæй бонæй чи кусдзæнис, ахæм диспетчерон пункт. Уымæй уæлдай базилдзысты инженерон системæтæм, рухсгæнæнтæм, видеоцæстдардмæ. Иннæ азы райдиан бæлццæтты æдасдзинады тыххæй скæндзысты иувæрсты цæуæг рæстæгмæ фæндаг.