Уый тыххæй бардзырд бафыста Уæрæсейы хицауады премьер-министр Михаил Мишустин
Коронавирусæй рынчынтимæ чи кусы, уыцы медиктæн сæ фиддонтæ аргъæвтой 2021-æм азы кæронмæ. Уый тыххæй бардзырд бафыста Уæрæсейы хицауады премьер-министр Михаил Мишустин. Документмæ гæсгæ, фæллойгæнджытæн фиддзысты æрвылмæй, цал сменæйы бакуыстой, уымæ гæсгæ.
Афтæмæй тагъд æххуысы бригадæты дохтыртæ иу сменæйæн исдзысты 2430 сомы, астæуккаг медицинон кусæг 1215 сомы, кæстæр медицинон кусæг æмæ фелсыртæ та фæйнæ 950-60 сомы. Стационарты чи кусы, уыцы дохтырты фиддонтæ иу сменæйæн уыдзысты 3 880 сомы, астæуккаг медицинон персонал исдзæнис 2 430 сомы, кæстæр кусджытæ та 1215 сомы. Сæрмагонд фиддонтæ æмбæлдзысты амбулаториты чи кусы, уыцы дохтыртæн, тагъд æххуысы машинæты шофыртæн æмæ иннæ кусджытæн.
