Сфæлдыстадон ерысты уыдзæнис æртæ номинацийы – хуыздæр аивгонд коммерцион структурæ, бирæуæладзыгон хæдзар æмæ хицæн хæдзар
Ног азы агъоммæ горæты цæрджытæ æмæ уазджытæн бæрæгбоны комулæфт балæвар кæныны тыххæй Дзæуджыхъæуы администраци расидтис, бæстыхæйтты хуыздæр ногбоны фæлысты конкурс. Сфæлдыстадон ерысты уыдзæнис æртæ номинацийы – хуыздæр аивгонд коммерцион структурæ, бирæуæладзыгон хæдзар æмæ хицæн хæдзар. Конкурсы архайын кæй фæнды, уыдоны хъæуы æрбарвитын къам кæнæ та видеоæрмæг аивгонд бæстыхайымæ Дзæуджыхъæуы администрацийы культурæйы управленийы адрисмæ. Курдиæттæ исдзысты фыццæгæмæй æртын фыццæгæм декабырмæ. Конкурсы бæрæггæнæнтæ бахыгъддзæнис сæрмагонд къамис ацы азы фæстаг къуыри, уæлахиздзауты та ныммыхуыр кæндзысты газет Владикавказы. Конкурс аразынц цыппар азы дæргъы æмæ азæй азмæ йæ архайджыты нымæц кæны фылдæр.
