Ацы аз грекъаг æмæ сомихаг национ культурон æхсæнадты сæрдартимæ архайдтой æппæтуæрæсеон æхсæнадон преми «Гордость нации»-йы конкурсы
Битарты Вячеслав арфæ ракодта æхсæнадон змæлд «Нæ Ирыстоны» сæрдар, Уæрæсейы æхсæнадон палатæйы æмæ адæмты Ассамблейы Советы республикæйы минæвар Лæгкуты Вячеславæн йæ премийы тыххæй. Ацы аз грекъаг æмæ сомихаг национ культурон æхсæнадты сæрдартимæ архайдтой æппæтуæрæсеон æхсæнадон преми «Гордость нации»-йы конкурсы. «Нациты хсæн ахастдзинæдтæ фидар кæныны» номинаци бацахстой фыццаг бынат. Республикæйы Сæргълæууæг арфæ ракодта, æмæ бузныг загъта республикæ федералон æмвæзадыл аккаг хуызы æвдисыны тыххæй. Лæгкуты Вячеслав куыд загъта, афтæмæй абоны онг æхсæнадон змæлд «Нæ Ирыстон»-ы хыгъды ис 34 национ-культурон иугонды, уыдонæй 14 Мæздæджы районы, иннæтæ Дзæуджыхъæуы. Иннæ аз «Нæ Ирыстон» сбæрæг кæндзæн йæ 30 азы юбилей.
