04 декабря 2020, 09:45
Дзæуджыхъæуы фæндæгты арæзтады сезон кæронмæ æрхæццæ
Ацы аз цалцæггонд æрцыдысты горæты 36 уынджы фæндæгтæ
Дзæуджыхъæуы фæндæгты арæзтады сезон кæронмæ æрхæццæ. Ацы аз цалцæггонд æрцыдысты горæты 36 уынджы фæндæгтæ. Ног асфальт æвæрд æрцыди 380 мин квадратон метры. Уый тыххæй фехъусын кодтой Дзæуджыхъæуы фæндæгты фонды. Подрядон организаци сног кодтой бордюртæ дæр, сæвæрдтой пандустæ, фæндæгтыл скодтой нысантæ. Куыстыты стыр хай конд æрцыди национ проект «Æдас æмæ хæрзхъæд фæндæгты» фæлгæты. Иннæ аз ма ног фæндаггон куыстытæ конд цæудзысты Дзæуджыхъæуы 22 уынджы.
