филиал вгтрк государственная телерадиовещательная компания “Алания”

Дзæуджыхъæуы Сæрибардзинады фæзы æвæрд æрцыд республикæйы сæйраг Заз бæлас. Æрбаластой йæ Октябрьскæйæ. Ацы азы Ногбоны нысан 39 азы размæ сагъд æрцыд Цæболты Виталийы хæдзары цур. Ныссагъта йæ йæ фыд Ханджери. Йæ ном мысгæйæ бинонты бафæндыд ахæм лæвар Цæгат Ирыстоны цæрджытæн бакæнын. Нæзы бæласы бæрзæнд у 15 метры. Аив æй кæндзысты къуырийы дæргъы, Ирыстоны тырысайы хуызтимæ баст хъазæнтæй. Пандемийæмæ гæсгæ Заз бæлас ацы аз кадджын уавæры нæ байгом кæндзысты, фæлæ йыл цырыгътæ куы ссудзой, уæд йæ цуры арæзт æрцæудзæн Ног боны армукъа, сывæллæттæн сæвæрдзысты хъеллаугæнæнтæ, стæй ма дзы уыдзæн чысыл сценæ, уым бынæттон эстрадон артисттæ рухс кæндзысты адæмы зæрдæтæ сæ аивадæй зæронд Ног азы боны онг.