Арæзт у социалон, культурон æмæ экологон фарстатæ лыг кæнынæн
Ног хъæппæрис царды рауадзын, бизнесы куыст райдайын æмæ йын йæ архайд банывыл кæнын, цæмæй фадат уа адæмæн æххуыс кæнынæн. Цæгат Ирыстоны активонæй парахат кæны социалон амалхъомдзинад. Арæзт у социалон, культурон æмæ экологон фарстатæ лыг кæнынæн.
Йæ хæрæфыртæн сывæллæтты рæвдауæндон агургæйæ, рауад стыр хъуыддаг, зæгъы Дудиаты Зауыр. Йæхæдæг уыд хъæппæрисы автор, æмæ йын æй бантыст царды рауадзын. Æрыгон амалхъом адæймаг социалон къабазы бацархайдта федералон конкурсы «Афæдзы хуыздæр социалон проект», æмæ дзы сси регионалон къæпхæны уæлахиздзау.
Конкурс фыццаг хатт арæзт не рцыд. Дудиаты Зауырæй дарддæр ма регионалон къæпхæны уæлахиздзаутæ нæ респбликæйæ систы ноджыдæр 6 архайæджы. Се хсæн ис æнтыстджын амалхъом адæймаг Сергей Ткачев. Заманхъулы сывæллæттæн сарæзта спортивон зал хъæбысæй хæцыны алы хуызтæн.
Хуыздæр проектты автортæн фадат фæцис сæхи æнæхъæн бæстæйæн фехъусын кæнынæн. Конкурсы федералон къæпхæн та арæзт æрцæудзæн рæхджы.
