15 декабря 2020, 14:06
Цæгат Ирыстонмæ 500 дозæйы æрбаластой коронавирусы ныхмæ вакцинæ
Хæстæгдæр рæстæг «Спутник V» æрбаласдзысты Дзæуджыхъæуы 1-æм, 4-æм æмæ 7-æм поликлиникæтæм
Цæгат Ирыстонмæ 500 дозæйы æрбаластой коронавирусы ныхмæ вакцинæ «Спутник V». «Гам-КОВИД-Вак» дардзысты аптекæйы хыз «Фармация»-йы скълады. Уый тыххæй балхæдтой сæрмагонд уазалгæнæн, препарат уыдзæни 18 градусы уазалы. Уырдыгæй йæ медицинон куыстуæттæм ласдзысты термоконтейнерты. Вакцинæ дих кæндзæни республикæйы æнæниздзинадхъахъхъæнынады министрад. Хæстæгдæр рæстæг «Спутник V» æрбаласдзысты Дзæуджыхъæуы 1-æм, 4-æм æмæ 7-æм поликлиникæтæм. Амæй размæ республикæмæ препарат ссыди октябры. Уæд вакцинаци ацыдысты медицинон кусджытæ, æмæ кæй фæндыди, ахæм адæм.
