03 января 2021, 22:08
Йæ резиденци Дзæуджыхъæуы байгом кодта Митын Дада
Сæйраг диссæгтæ аразæг Цæгат Ирыстоны фæуыдзæн 17-æм январы онг
Йæ резиденци Дзæуджыхъæуы байгом кодта Ног азы бæрæгбоны сæйраг диссæгтæ аразæг дæр. Хетæгкаты Къостайы номыл культурæйы æмæ фæлладуадзыны парчы йæ дуæрттæ байгом кодта Митын Дадайы Хæдзар. Ныридæгæн уый сси хорз традици. Фæлæ ацы аз Митын Дадайы хæдзар æрбынат кодта парчы фонтан «Хърихъуппы» раз. Гыццыл чызджыты æмæ лæппуты алы бон дæр 11 сахатæй фæстæмæ суазæг кæнынц Митын Дада æмæ Митын Чызг. Сæйраг диссæгтæ аразæг Цæгат Ирыстоны фæуыдзæн 17-æм январы онг. Æвзонг уазджытæ зæрдиагæй æрбацæуынц ацы хæдзармæ, фембæлынц аргъæутты хъайтартимæ, бакæсынц сын æмдзæвгæтæ, фæзарынц æмæ фæкафынц.
