У -11 653 сомы
Уæрæсейы Хицауад снысан кодта ацы азы фæцæрынын алы адæймаджы цас бахъæудзæн, уый æппынкъаддæры бæрц. У -11 653 сомы. Кусынхъом чи у, уыдонæн та уыдзæн 12 702 сомы, пенси чи исы, адæмы уыцы категорийæн та, 10 022 сомы, сывæллæттæн 11 303 сомы. Уынаффæ кусын райдыдта фыццæгæм январæй фæстæмæ. Хицауады пресс-службæйы ма куыд фæхъусын кодтой, афтæмæй ацы азæй фæстæмæ фæцæрынæн æппынкъаддæры бæрц бæрæггонд цæудзæн афæдзæн. Уый размæ та йæ нысан кодтой кварталæй-кварталмæ.Уыимæ кæд раздæр бæрæггонд цыд хойрæгты аргъ хынцгæйæ, уæд ныр та адæмы фтиæгты рæстæмбис нымæц райсгæйæ, ома адæмы рæстæмбис æфтиæгтæ хынцгæйæ. Уыимæ ма Уæрæсейы ивд æрцыд куысты мызд фидыны методикæ. Ныр куысты æппынкъаддæры мыздмæ бар дардзæн медианон мызд — æмахастдзинад дзы хъуамæ уа 42 проценты. Куысты æппынкъаддæры мызд хъуамæ ноджы къаддæр ма кæна медианон мызд куы фæкъаддæр уа, уæддæр. Куысты мызды æппынкъаддæры бæрц фæфылдæр кæныны фарс хъуамæ рахæцой профцæдистæ æмæ куыстдæтджытæ.
