27 января 2021, 12:45
Алагиры центрон рынчындоны байгом районы фыццаг вакцинацийы пункт
Поликлиникæ райста вакцинæйы 50 дозæй
Алагиры центрон рынчындоны байгом районы фыццаг вакцинацийы пункт. Поликлиникæ райста вакцинæйы 50 дозæйы. Фыццаг уал пациенттæ баххæст кæнынц анкетæтæ. Уый фæстæ терапевт скæны медицинон æркаст. Радты прививкæйы фæстæ адæймаг йæхи куыд хъуамæ дара, ахæм амынддзинæдтимæ зæрдылдарæнтæ. Вакцинæ кæнынц дыууæ къæпхæнæй. Пациенттæ дыккаг компанент райсдзысты æртæ къуырийы фæстæ. Прививкæйы фæстæ буары тæвд куы ссæуа, уæд уый у нормæ, зæгъынц дохтыртæ. Фыццаг æмæ дыккаг уколты хсæн дæр адæймаг хъуамæ æхсæнадон бынæтты дара маскæ. Вакцинаци скæныны тыххæй курдиат арвитæн ис паддзахадон лæггæдты порталы кæнæ та, регистратурæйы уылты.
