Немыцаг фашистты къухы нæ бафтыд горæтмæ бацæуын, Ленинград хъахъхъæнджыты басæтты
Абон Уæрæсейы бæрæг кæнынц Ленинград блокадæйæ суæгъд кæныны бон. Немыцаг фашистты къухы нæ бафтыд горæтмæ бацæуын, Ленинград хъахъхъæнджыты басæттын. Ленинград блокадæйы уыдис 872 боны. Ленинградыл тох нымад у Фыдыбæстæйы стыр хæсты сæйрагдæр æмæ дæргъвæтиндæр тохтæй иу. Санкт-Петербурджы мемориалон уæлмæрды ныгæд сты нæ республикæйы 576 минæвары. Уыдон фæмард сты, Ленинград хъахъхъæнгæйæ. 2003 азы сæ номарынæн байгом кодтой гранитæй къæй. Абон ма æппæт дунейы бæрæг кæнынц Холокосты амæттæгты бон дæр. Уый тыххæй резолюци рахаста Нациты иугонд организацийы генералон ассамблея 2005 азы, 1 ноябры. 27 январь мысæн бонæн хуымæтæджы нæ равзæрстой. 1944 азы, ацы бон Советон æфсад суæгъд кодта нацистты егъаудæр лагерь Освенцим. Уым, историкты бæрæггæнæнтæм гæсгæ фæмард миллиард æмæ 500 милуан адæймагæй фылдæр.
