Уый тыххæй фехъусын кодтой республикæйы цæрæнуæтты-коммуналон хæдзарады, артаджы æмæ энергетикæйы министрадæй
2022 -æм азмæ Мæздæджы район хъуамæ æххæстæй газæй ифтоггонд æрцæуа. Уый тыххæй фехъусын кодтой республикæйы цæрæнуæтты-коммуналон хæдзарады, артаджы æмæ энергетикæйы министрадæй. Ацы аз уагъд æрцæудзæн газы хæтæл, уый фæрцы иннæ азмæ газ лæвæрд æрцæудзæн районы цыппар хъæумæ – Дружбæ, Хурыхъæу, Хъуысатыхъæу æмæ Любовь Кондратенкомæ. Ныридæгæн куыстытæ райдыдтой. Сæ иумæйаг аргъ схæццæ 44 милуан соммæ. Поселокты хсæн газы хызæг у «Газпромы» инвестицион проект. Уымæ гæсгæ, хæдзæрттæ æрдзон газмæ бафтауыныл дæр адæмы фидын хъуамæ ма бахъæуа. Ныртæккæ куыст цæуы йæ закъоны проектыл. Иумæйагæй, республикæйы газификаци 2028-азмæ хъуамæ схæццæ уа 96%-мæ, ныридæгæн у 91%.
