Процедурæйы агъоммæ ацыд дохтырты æркаст, æмæ уый фæстæ райста вакцинæ «Спутник V» -йы фыццаг компонент
Республикæйы сæргълæууæг Битарты Вячеслав Дзæуджыхъæуы 1-æм поликлиникæйы скодта прививкæ ног коронавирусы ныхмæ. Процедурæйы агъоммæ ацыд дохтырты æркаст, æмæ уый фæстæ райста вакцинæ «Спутник V» -йы фыццаг компонент. Битарты Вячеслав куыд радзырдта, афтæмæй, цæмæй хи æмæ хиуæтты низæй бахъахъхъæной, уый тыххæй нæ республикæйы цæрджытæ активонæй архайынц вакцинацийы æмæ уый дæр йæ хæсыл банымадта скæнын прививкæ.
Уæ зæрдыл уын лæууын кæнæм, привикæ у лæвар æмæ йæ кæнынц барвæндонæй. Цæгат Ирыстоны йæ хъуамæ апрелы онг скæной цæрджыты 30%-тæн. Уый тыххæй байгом кодтой 11 пункты, ис ма цæугæ пункттæ æмæ кусынц, хæдзармæ чи рбацæудзæн, ахæм бригадæтæ дæр. Процедурæйы фæрцы адæймаджы æнæниздзинад тыхджындæр разындзæн ног вирусы ныхмæ. Уæрæсейы президент Владимир Путины уынаффæмæ гæсгæ дзыллæты вакцинаци нæ бæстæйы райдыдта 18-æм январæй фæстæмæ.
