Процедурæйы размæ премьер-министр ацыди медицинон æркаст æмæ сбæрæг кодта, привикæ скæнынæн ын фиппаинæгтæ ис, æви нæ, уый
Цæгат Ирыстоны дарддæр цæуы ног коронавирусы инфекцийы ныхмæ вакцинаци. Дзæуджыхъæуы 1-æгæм поликлиникæйы COVID-19-ы ныхмæ прививкæ скодта республикæйы Хицауады Сæрдар Тускъаты Таймураз. Процедурæйы размæ премьер-министр ацыди медицинон æркаст æмæ сбæрæг кодта, привикæ скæнынæн ын фиппаинæгтæ ис, æви нæ, уый. Фæстæдæр райста вакцинæ «Спутник V»-йы фыццаг компонент. Тускъаты Таймураз куыд загъта, афтæмæй йæхи æнкъары иттæг хорз. Раарфæ кодта медицинон кусджытæн, ахæм лæмбынæг æмæ бæлвырд кæй кусынц, уый тыххæй. Уæ зæрдыл уын æрлæууын кæндзыстæм, коронавирусы ныхмæ прививкæ скæнæн ис лæвар, уыимæ барвæндонæй. Цæгат Ирыстоны территорийы кусынц вакцинацийы 11 пункты дзæбæхгæнæн-профилактикон уагдæтты. Уымæй дарддæр ма ис цæугæ пункт стæй мобилон бригадæтæ. Абоны онг вакцинæ райстой 2131 адæймаджы.
