Социалон акци арæзт æрцыди 59-æм рæвдауæндоны хъомылгæнджыты хъæппæрисæй
Æнæхæдзар цæрæгойтæн приютмæ баластой хæринаг. Социалон акци арæзт æрцыди 59-æм рæвдауæндоны хъомылгæнджыты хъæппæрисæй. Сывæллæттæ дæр ацы актуалон фарстамæ кæсынц хистæртау бæрнон цæстæй. Алы къорды агъуысты дæр бацæттæ кодтой æххуысы гыццыл къуымтæ. Мæйы дæргъы сæ сабитæ гыццылгай дзаг кодтой цæрæгойтæн хæринæгтæй. Сывæллæтты ныййарджытæ дæр ацы акцийы бацархайдтой зæрдиагæй. Хъомылгæнджытæ куыд зæгъынц, афтæмæй сæйрагдæр у сывæллæтты цæрæгойтæн æххуыс кæнынмæ разæнгард кæнын. Гуманитарон æххуыс ныридæгæн æрвыст æрцыди приютмæ. Ныртæккæ дзы ис 120 бынаты. Рæвдауæндоны хæрзаудæн акци фæнд кæнынц дарддæр ахæццæ кæнын. Кæй хъæппæрисæй конд цæуы, уыдон зæрдæ дарынц, эфстафетæ иннæ ахуыргæнæндæттæ дæр кæй райсдзысты, ууыл.
