Бирæ лыггæнинаг фарстатыл ныридæгæн сæ къухы бафтыди бакусын
Дзæуджыхъæуы Æхсæнадон советы уæнгтæ æнæрлæугæйæ кусынц горæты цæрджыты социалон уавртæ хуыздæр кæныныл. Бирæ лыггæнинаг фарстатыл ныридæгæн сæ къухы бафтыди бакусын. Президиумы радон æмбырды та æркастысты ацы азы куысты пъланмæ. Бæлвырддæр радзурдзæн Сосранты Жаннæ.
Дзæуджыхъæуы Æхсæнадон советы президиумы радон æмбырды æркастысты азы куысты пъланмæ. Æмбырды архайджытæ раргом кодтой советы фæндзæм скодты уæнгты номхыгъд. Æрвыст æрцæудзæн республикæйы сæргълæууæгмæ. Президиум æрдзырдта горæты сæргълæууæг Икъаты Русланбеджы хæслæвæрдтæм.
Михаил Шаталов бабар кодта, цæмæй Сæрмагонд экологон къамис æркæса адæмы фæндтæм, æмæ сын сæ хъуыдытæ базоной. Уыимæ рахастой фæндон, цæмæй социалон хызты байгом кæной комкоммæ лини.
Цы æрмæг æм æрвыст цæуа, уый та хæццæ кæндзысты горæты разамындмæ. Михаил Шаталов ма бабар кодта, цæмæй президиумы уæнгтæ базоной Дзæуджыхъæуы цæрджытæм куыд каст цæуы дзæбæхгæнæн-профилактикон уагдæдты пандемийæйы рæстæг. Æмбырды стыр æргом здæхт æрцыди бæлæстæ калыны æмæ горæты цъæхфæлысты уавæры фæдыл æркасты хатдзæгтæм.
Æмбырды архайджыты уынаффæмæ гæсгæ, дыууæ фарстайы хатдзæгтæм каст æрцæудзæн Æхсæнадон Советы уæрæхгонд æмбырды.
