Байуæрстой сын алыхуызæн продукттæ.
50 фæкæсынхъуаг бинонтæ æмæ пенсиисджытæ акци «Мах стæм иумæ» æххæстгæнгæйæ райстой æххуыс. Байуæрстой сын алыхуызæн продукттæ. Уыимæ, продуктты хыныз алы хатт фæкæны ахадгæ дæр. Ацы хатт сын дзы нывæрдтой цайтæ дæр. Акциийы бацархайдтой базарадон куыстуат «Чайная лавка Осетии»йы минæвæрттæ дæр. Волонтерты штабмæ баластой 50 къоппы цайтæ. Социалон пакеттæволонтертæ сæмбырд кодтой бынæттон амалхъом адæмы æмæ ацы хъуыддагмæ куыдфæндыйы цæстæй чи нæ кæсы, ахæм адæмы æххуысæй. Бархионтæ æмæ волонтертæ пенсиисджытæн æрмæст продукттæй не ххуыс кæнынц. Бавидынц сын коммуналон фиддонтæ дæр, балхæнынц сын хостæ, стæй сын кæнынц курьерон куыст. афæдзы райдианæй нырмæ æдæппæтæй баххуыс кодтой 500 бинонтæн. Волонтерты штабы куыст цæуы дарддæр.
