19 февраля 2021, 09:42
Горæтгæрон районы цæрджытæн сæ бон коронавирусы ныхмæ прививкæтæ скæнын уыдзæни сæхи хъæутæй нæ цæугæйæ
Вакцинаци дзы районы поликлиникæйы райдыдта дыууæ къуырийы размæ
Горæтгæрон районы цæрджытæн сæ бон коронавирусы ныхмæ прививкæтæ скæнын уыдзæни сæхи хъæутæй нæ цæугæйæ. Вакцинаци дзы районы поликлиникæйы райдыдта дыууæ къуырийы размæ. Уый уыди иунæг пункт. Дæрддзæф хъæуты цæрджытæй бирæты бон нæ уыди Октябрьскæмæ цæуын. Прививкæтæ скæнын кæй фæнды, уыдоны æнцойдзинадæн ма бацæттæ кодтой ноджыдæр 7 пункты. Ныр укол скæнæн ис Сунжæйы, Джызæлы, Михайловскæйы, Ногиры, Архонкæйы, Черменыхъæуы æмæ Майскийы. Медпункттæ ифтонггонд сты уазалгæнæн камерæтæй, ис дзы сæрмагонд процедурæтæгæнæн кабинеттæ. Æдæппæтæй абоны онг ковиды ныхмæ вакцинæ райстой 500 адæймагæй фылдæр. Сæ фылдæр сты ацæргæ адæм.
темæмæ гæсгæ
