Уымæ гæсгæ сæ арæх хъуыди лампочкæтæ ивын, рæстæгæй-рæстæгмæ сæм-иу рухс ахуыссыди
Бирæ рæстæг Дзæуджыхъæуы уынгтæй иуы цæрджытæ хъаст кодтой, электрон тых сæм тынг æвзæр кæй хæццæ кæны, уымæй. Уымæ гæсгæ сæ арæх хъуыди лампочкæтæ ивын, рæстæгæй-рæстæгмæ сæм-иу рухс ахуыссыди. Уавæр аивта, цæрджытæ сæ курдиат «Россети Северный Кавказ»-мæ куы бахастой, уæд. «Цæгаткавказэнерго»-йы филиалы специалисттæ куыд сбæрæг кодтой, афтæмæй уавæры аххосаг у – электрон тыхдæттæг телтæ зæронд кæй сты, уый. Кусæнгæрзты хъомыс уыйб`рц нал у. Энергетиктæ баивтой 5 цæджындзы, стæй ма километры бæрц зæронд тел. Æмбæлгæ куыстытæ бакодтой дæлстанцæйы дæр. Уый фадат радта электрон тыхы æмвæзадмæ бæстон цæстдарынæн. Уыимæ ма фæхуыздæр йæ хæрзхъæддзинад дæр. Студенческийы æмæ йæм æмрæнхъ цы уынгтæ ис, уыдоны цæрджыты хъуыдымæ гæсгæ ныртæккæ сæ уавæр зынгæ фæхуыздæр.
Зæгъын хъæуы уый, æмæ Дзæуджыхъæуы электрон тыхдæттæг комплекс «Россети Северный Кавказ»-ы исбонмæ нæ хауы. Уыйхыгъд ис энергокомпанийы арендæйы. Уый та зынгæ зындзинæдтæ æвзарын кæны, бæлвырддæр та объекттæн лæггад кæныны хъуыддаджы. Уый нæ хынцгæйæ, энергетиктæ архайынц æппæт куыстытæ афоныл æххæст кæныныл. Алцыдæр арæзт цæуы уымæн, цæмæй горæты цæрджытæм электрон тых æнæ къуылымпытæй æмæ хæрзхъæдæй хæццæ кæна, уый тыххæй.
