Ацы документ социалон амалхъомдзинад нымайы куыд чысыл æмæ астæуккаг бизнесы хицæн къабаз
Социалон амалхъом адæм хъуамæ бадæттой сæ гæххæттытæ, цæмæй хаст æрцæуой хъалонисæн Федералон службæйы сæрмагонд реестрмæ. Ацы документ социалон амалхъомдзинад нымайы куыд чысыл æмæ астæуккаг бизнесы хицæн къабаз. Æмæ уымæ гæсгæ ис райсæн алы хуызы æххуыс. Ацы азæй фæстæмæ та ма райсæн уыдзæн грант 500 мин сомы. Цæмæй йæ райсай, уый тыххæй бизнесы минæвæртты хъæуы амалхъом адæмæн æххуысы Фондмæ курдиат бадæттын. Регионы цас фылдæр социалон куыстуаты хаст æрцыди реестрмæ, уыйас фылдæр субсидитæ радих кæндзысты ацы къабазæн. Уæвгæ та социалон куыстуатыл нымад сты, йе нæниздзинад хъыгдард кæмæн у, инвалидтæ æмæ фæкæсынхъуаг адæм кæм фæллой кæны, ахæмтæ. Стæй ма ахæм категорийы цæрджытæн товартæ чи уадзы, уыцы организацитæ.
