Республикæйы разамонæг бабар кодта, цæмæй алы æрыгон адæймагæн дæр саразой æппæт гæнæнтæ йæ хъомыс раргом кæнынæн
Фæсивæдон политикæйы райрæзты программæйы мадзæлттæ сæххæст кæныныл дзырдтой Битарты Вячеслав, хицауады вице-премьер Азымты Иринæ æмæ фæсивæдон комитеты сæрдар Джусойты Руслан. Республикæйы разамонæг бабар кодта, цæмæй алы æрыгон адæймагæн дæр саразой æппæт гæнæнтæ йæ хъомыс раргом кæнынæн. Фæсивæды политикæйы программæйы ис фондз къабазы — уыдонимæ патриотон хъомылад, амалхъомдзинад, экономикон архайд, бархионты змæлд æмæ экстремизмы фæзындтытæ ма руадзын. Республикæйы бюджеты уыцы нысантæн бавæрдтой сæдæ милуан сомы. Битарты Вячеслав куыд загъта, афтæмæй программæйы фæрцы хъуамæ алы æрыгон адæймаг дæр сæххæст кæна йæ размæ æвæрд нысантæ. Уæлдай æргом аздæхтой, карз нозт æмæ наркотиктæм здæхт чи у, уыцы фæсивæдæн баххуыс кæныны мадзæлттæм. Джусойты Руслан радзырдта, уыцы къабазы профилон ведомствæты цы куыст цæуы, уый тыххæй.
