09 марта 2021, 12:35
Дзæуджыхъæуы арæзт æрцыд сæргондимæ акци «Сымахæн, нæ уарзон сылгоймæгтæ»
Волонтертæ – медиктæ раарфæ кодтой республикæйы клиникон рынчындоны медицинон кусджытæн
Сымахæн, нæ уарзон сылгоймæгтæ! Ахæм сæргондимæ акци арæзт æрцыд Дзæуджыхъæуы. Волонтертæ – медиктæ раарфæ кодтой республикæйы клиникон рынчындоны медицинон кусджытæн. Балæвар сын кодтой алыхуызон тюльпантæ æмæ республикæйы алы скъолаты ахуырдзаутæ сæхи къухтæй цы открыткæтæ скодтой, уыдон. Афтæмæй сын загътой бузныджы ныхæстæ, ацы зын афæдз сæхиуыл нæ ауæрдгæйæ кæй куыстой, уый тыххæй. Волонтертæ канд дохтыртæн æмæ медицинон хотæн нæ раарфæ кодтой, фæлæ ма рынчындоны æппæт кусджытæн дæр. Уымæн æмæ се ппæт дæр хастой стыр æвæрæн, пандемияйы рæстæг адæмы æнæниздзинад бахъахъхъæнынмæ.
