18 адæймаджы йæм æрбацыдысты сæхи фарстаты фæдыл.
РЦИ-А сæргълæууæг Битарты Вячеславæн кусæг фембæлд уыди республикæйы цæрджытимæ. 18 адæймаджы йæм æрбацыдысты сæхи фарстаты фæдыл. Фыццаг фарста баст уыди Октябры революцийы номыл скверы рухсы системæмæ базилынимæ. Битарты Вячеслав зæрдæ бавæрдта, куыстытæ ацы аз æххæстгонд кæй æрцæудзысты, уымæй. Объект хаст æрцыди «Горæты æнцонвадат царды» программæмæ. Уымæй уæлдай, базилдзысты Уæлахизы Паркмæ дæр. Дур-Дуры культурæйы хæдзары æмæ амбулаторийы бындурон цалцæджы тыххæй æххуысагур æрбацыдысты хъæуы минæвæрттæ. Ам дæр дыууæ объекты бахастой 2021-æм паддзахадон программæтæм. Проектон-сметон документаци æмæ сæм паддзахадон экспертизæйы разыйы дзуапп ис. Битарты Вячеславмæ æрбацыди горæты 49-æм рæвдауæндоны балкъонтæ баивыны курдиат дæр. Ацы хъуыддаг бахæс кодтой Дзæуджыхъæуы разамындæн. Куыстытæ хъуамæ фæуой ацы азы дыккаг æмбисы. Къостайы пр. 296-æм хæдзары цæрджыты бирæ азты фарста у сæ хæдзары алыварсмæ базилын. Республикæйы сæргълæууæг куыд загъта, афтæмæй куыстытæ ацы аз æххæстгонд æрцæудзысты республикæйы бюджеты хардзæй. 6 фарстайы баст уыдысты цалдæр хъæуы асфальт сæвæрынимæ. Уыцы хъуыддаг та бахæс кодтой фæндæгты хæдзарады Комитеты сæрдар Солиты Тариэлæн. Бирæты тыхсын кодтой куысты, стæй материалон æххуысы фарстатæ. Æппæт курдиæттæ æмæ фарстатæм Битарты Вячеслав йæ цæст дардзæн бæстонæй.
