Мадзал баст уыд Æппæтуæрæсеон æфсæддон-патриотон æхсæнадон змæлды 5 азы бонимæ
Октябрьскæйы райдыдтой Горæтгæрон районы æвзонг æфсæддонты фыццаг спортивон хъæзтытæ. Мадзал баст уыд Æппæтуæрæсеон æфсæддон-патриотон æхсæнадон змæлды 5 азы бонимæ. Йæ рæстæджы йæ хорзыл банымадта нæ бæстæйы Президент. Ныртæккæ нæ бæстæйы бирæ регионты «Æвзонг æфсæддонты» рæнхъытæ æххæст кæнынц сæдæгай æрыгон æмæ активон лæппутæ. Цæгат Ирыстоны та ацы змæлды ис 16 мин æвзонг æфсæддоны. Зæгъæн ис, æмæ у фидæны æцæг скъола. Ам рæзгæ фæлтæрмæ гуырын кæнынц ныфс, хъæбатырдзинад, цæрдæгдзинад, патриотизм æмæ уæлахизмæ тырнындзинад. Ацы къуыри лæппутæ ерыс кæндзысты Калашниковы автомат æмбырд кæнынæй æмæ райхалынæй. Уымæй дарддæр алы дистанциты дугъы уайынæй, хи хæрдмæ ивазынæй, стæй волейболæй æмæ футболæй. Ерыстæ цæудзысты 16-æм мартъийы онг.
