Цымыдисæй йæм æнхъæлмæ кастысты сывæллæттæ дæр
Нæ бæстæйы сылгоймæгты æппæтдунеон бон фæбæрæг кæнынц рæсугъдæй æмæ хъæлдзæгæй. Æцæг уалдызгон бæрæгбоны хуызæн. Цымыдисæй йæм æнхъæлмæ кастысты сывæллæттæ дæр. Уымæн æмæ сæ фæндыди сæ ныййарджытæн æмæ сæ хъомылгæнджытæн æхсызгон лæвæрттæ ракæнын. Ахæм æрхъуыдыджын кæстæртæ разындысты 65-æм рæвдауæндоны хъомылгæнинæгтæ дæр. Рæсугъд арфæтæ ракодтой сæ мадæлтæн, нанатæн, хотæн æмæ æппæт сылгоймæгтæн. Сæ зæрдæ сын загъта бирæ хорздзинæдтæ, цæмæй сæ бæллицтæ æнæмæнг æххæст кæной, уый. Бæрæгбонмæ æрбацæуджытæн балæвар кодтой хъæлдзæг кæфтытæ, хъæзтытæ, аив æмдзæвгæтæ. Чысыл артисттæ ма цымыдисæй сæхи равдыстой театралон инсценировкæты. Афтæмæй ацы бæрæгбон æнæмæнг баззайдзысты ныййарджыты æмæ сабиты зæрдæты.
