10 марта 2021, 14:42
Мадæлон æвзаджы райрæзтыл кæм кусынц, уыцы хъæутæм бахæссæн ис хъæу Озрек
Радон мадзал арæзт æрцыд Хъæбæлоты Мурадины номыл сывæллæтты рæвдауæндоны
Мадæлон æвзаджы райрæзтыл кæм кусынц, уыцы хъæутæм бахæссæн ис Кæсæг –Балхъары хъæу Озрек дæр. Кæд йæ адæм цæрынц кæсæджы зæххытыл, уæддæр нæ рох кæнынц сæ мадæлон æвзаг. Уыимæ, фæлтæртæм хæццæ кæнынц Иры æгъдæуттæ æмæ традицитæ. Радон мадзал арæзт æрцыд Озрекы Хъæбæлоты Мурадины номыл сывæллæтты рæвдауæндоны. Равдыстой дзы Ирон чындзæхсæвы æгъдæуттæ. Райдай, чындз мыды къус куыд уары æмæ иннæ аив хъуыддæгтæй фæу. Сабиты гыццыл удтæм ацы зæрдиаг мадзал кæй бахъардта, уый дызæрдыггаг нæу. Зæгъын ма хъæуы уый дæр, æмæ йæ сæ зæрдæтæй кæй никуы фæцух уыдзысты сарæзт сурæттæ æмæ бæрæгбоны мидис. Æппæт æгъдæуттæ равдисыны фæстæ та, куыд æмбæлы афтæ, сарæзтæй ирон хъазт.
