Фæллойы æмæ социалон рæзты министрад фæкæсынхъуаг адæмæн æххуыс кæны куыст ссарынæн æмæ хи хъуыддаг байгом кæнынæн
Цæгат Ирыстон Уæрæсейы у фыццæгтæй иу, мæгуырдзинадимæ тохы программæ æххæст кæнын чи райдыдта, ахæм регион. Фæллойы æмæ социалон рæзты министрад фæкæсынхъуаг адæмæн æххуыс кæны куыст ссарынæн æмæ хи хъуыддаг байгом кæнынæн. Уыцы хъуыддæгтæн регионæн радих кодтой 150 милуан сомы. Ведомствæйы кусджытæ æрмæст куыст ссарынмæ не ххуыс кæнынц, фæлæ ма уый тыххæй документтæ бацæттæ кæнынæн дæр. Бæлвырддæр радзурдзæн Касаты Наирæ.
Уртаты Маринæ Мызуры гыццыл фатеры цæры йæ фыртимæ. Цæрæнуатмæ хъæуы базилын, фæлæ фæрæзтæ бирæ фаг не сты. Æххуыс ын у хуыйæн машинæ. Сылгоймаг йæхæдæг куыд зæгъы, афтæмæй йæм хуыйынмæ ис стыр курдиат. Хисæрфæнтæ, хуыссæны цъæрттæ, уæлæдарæс. Маринæ йæ уарзон куысты уæлхъус æнæхъæн бон дæр арвиты. Исты куыт зæрдиагæй куы кæнай, уæд та кæдфæндыдæр рауайы хæрзхъæд æмæ аив. Уымæ гæсгæ, Маринæмæ ис бирæ клиенттæ. Фæзаказ æм кæнынц уæлæдарæс æмæ хæдзары дзаумæттæ. Фæуæрæхдæр кæныны тыххæй хъæуы уæлæмхасæн фæрæзтæ. Афтæмæй æфтиаг дæр фæфылдæр уыдзæнстæй заказгæнджыты нымæц дæр.
Уртаты Маринæйы хуызæн адæмæн баххуыс кæныны тыххæй республикæйы кусын райдыдта мæгуырдзинадимæ тохы программæ. Цæгат Ирыстоны ис фæллойы æмæ социалн рæзты министрад. Эксперттæ бабæрæг кодтой Мызур æмæ фембæлдысты цæрджытимæ. Радзырдтой сын программæйы тыххæй бæлвырдæй. Йæ фыццаг хай у йæ хи гыццыл куысуат кæмæн ис, уыдонæн, стæй бизнес байгом кæнын кæй фæнды, æмæ фæрæзтæ кæмæн нæ фаг кæны, уыдонæн. Уртаты Маринæйы хъæуы, йæ бинонтæ фæкæсынхъуаг кæй сты, уый тыххæй æвдисæндар райсын, стæй хи куыстуаты хицау, афтæ хи хыгъды сæвæрын. Документтæ сбæлвырд кæныны фæстæ, паддзахад сылгоймагæн радих кæндзæн 250 мин сомы. Йæ бон сæ схардз кæнын уыдзæни йæ бизнесы рæзтыл.
Прогарммæ ма æххуыс кæны хи хæдзарæдтæ саразынæн, стæй куысты ныллæуыны дæр. Кæд адæймаг официалон æгъдауæй куысты ныллæуыд, фæлæ уал нырма йæ мызд гыццыл у, кæнæ та ис стажировкæйы, уæд адæймагæн йæ бон у, æвдисæндар æрбахæссын, æмæ йын цалдæр мæйы йæ мыздмæ æфтаудзысты уæлæмхасæн æхца. Æххуысы ахæм хуызы тыххæй курдиæттæ балæвæрдтой Мызуры цалдæр цæрæджы.
Социалон контракт сфидар кæнынæн ис социалон хъахъхъæнынады оргæнты территориалон хайады. Министрады минæвæртты ныхæстæм гæсгæ, эксперттæ баххуыс кæндзысты документтæ æрæмбырд кæнынæн æмæ бизнесплан скæнынæн. Цæмæй фæкæсынхъуаг бинонтæн фæуа мæгуырдзинадæй рацæуыны гæнæн.
