Ныр прививкæ скæнын сæ бон у Æрæфы районы цæрджытæн дæр цы 6 пункты дзы байгом, уым
Куыд æппæт Уæрæсейы, афтæ Цæгат Ирыстоны дæр дарддæр цæуы вакцинаци. Барвæндонæй прививкæ скæныны фадæттæ арæзт цæуынц республикæйы районты хъæуты цæрджытæн дæр. Радон пункттæ байгом сты Æрæфы районы. Сæ куыст сын федта не сфæлдыстадон къорд.
Адæмы короновирусы низæй бахизыны тыххæй дарддæр цæуы вакцинаци. Хъæуты цæрджыты æнцондзинадæн пункттæ гом кæнынц районты. Ныр прививкæ скæнын сæ бон у Æрæфы районы цæрджытæн дæр цы 6 пункты дзы байгом, уым. Се хсæн хъæуты амбулаторитæ. Уырдæм бацæуын алкæйы бон дæр у, æмæ скæнын вакцинаци. Æрæфы районы сæйраг поликлиникæйы та ис вакцинацийы сæйраг пункт. Прививкæ скæнынмæ уырдæм æрбацыд районы сæргълæууæг Гъуцъунаты Хъазыбег.
Уæвгæ, ныридæгæн Æрæфы районы цæрджытæй бирæтæ скодтой прививкæйы фыццаг компонент. Се хсæн – йæ царды 53 азы дохтыры дæсныйадæн, адæмæн лæггад кæнынæн чи балæвар кодта, уыцы Хуасдзауты Дзамболаты чызг Таисия. Фæлтæрдджын дохтыры ныхæстæм гæсгæ, рæстæг куыд æвдисы, афтæмæй прививкæты хъару, алы низты ныхмæ ахадгæ вæййы.
Прививкæ сæкынæн та Æрæфы районы арæзт æрцыд æппæт уавæртæ дæр. Районы рынчындоны сæйраг дохтыр Бесолты Тамерланы ныхæстæм гæсгæ, цæмæй короновирусыл фæуæлахиз уæм, уый тыххæй цæрджыты 60 процентмæ хъуамæ уа иммунетет.
Вакцинæйы дыккаг компонент та Æрæфы районы райстой 23 адæймаджы. Прививкæ скæнын кæй фæнды, уыдоны бон у, раздæрау сæ курдиат бадæттын Паддзахадон лæггæдты уылты. Кæнæ æрбацæуын сæрмагонд, вакцинацигæнæн пункттæм. Дохтырты хъуыдымæ гæсгæ, алы адæймаг дæр хъуамæ йæхæдæг æрцæуа прививкæ скæныны фæндонмæ.
