Аивгæнæн куыстыты фæрцы ацы бынаты фæзындзысты ног фонтантæ, сывæллæтты ирхæфсæн æмæ спортивон фæзтæ
Дзæуджыхъæуы райдыдта фонтанты фæзы рацарæзт. Горæты цæрджытæн уарзондæр бынатмæ сæрды райдианмæ базилдзысты, парти «Иугонд Уæрæсе»-йы проект «Горæты æнцонвадат архайд» æххæст кæнгæйæ. Фонтанты фæзы аивдзинадæн радих кодтой 48 милуан сомы. Аивгæнæн куыстыты фæрцы ацы бынаты фæзындзысты ног фонтантæ, сывæллæтты ирхæфсæн æмæ спортивон фæзтæ. Уымæй дарддæр сног кæндзысты асфальт, сæвæрдзысты дзы рухсгæнæнтæ æмæ бандæттæ. Стæй ма иу ногдзинад. Ацы ран фæзындзæн къахдзоныгътыл бырæн фæз. Ахсджиаг у уый, æмæ хъарм рæстæг дæр æгуыстæй нæ лæудзæн. Йæ бынаты фæзындзысты алыхуызон аттракционтæ. Зæгъдзыстæм ма уый дæр, æмæ куыстытæ цæуынц, горæты цæрджыты хъуыдытæ æмæ фæндтæ хынцгæйæ.