31 марта 2021, 13:24
Тамакойы æнæзакъон зилдух радон хатт баурæдтой Дæллаг Зæрæмæджы таможняйы посты
Бæрæггæнæн мадзæлтты рæстæг байстой мин æмæ 5 сæдæ къоппы тамакотæ
Тамакойы æнæзакъон зилдух радон хатт баурæдтой Дæллаг Зæрæмæджы таможняйы посты. Бæрæггæнæн мадзæлтты рæстæг байстой мин æмæ 5 сæдæ къоппы тамакотæ. Закъонхалæг цыди Хуссар Ирыстонæй. Тамакойы продукци бамбæхста машинæйы фæстаг бандоны бын, стæй дуæртты. Закъонхалæгмæ æнхъæлмæ кæсы административон æфхæрд. Уый фыццаг ахæм цау нæу. Ацы азы райдианæй нырмæ, Дæллаг Зæрæмæджы таможняйы посты байстой 30 мин тамакойы къоппы. Се ппæт дæр æрвыст æрцыдысты экспертизæмæ, цæмæй сын скæной идентификаци æмæ сын сбæрæг кæной сæ аргъ. Чи сæ ласта, уыдоныл байгом кæнынц административон, кæнæ та уголовон хъуыддæгтæ.